2022 жылғы 5-12 тамыз аралығында «Алаш» залында «Тарихтың қатал сабақтары» көрмесі ұйымдастырылды. Көрмеде «Ұрпақтар ұмытпайды» Халықаралық жобасының қатысушылары – саяси қуғын-сүргін құрбандары ұрпақтарының мұражай қорына тапсырған фотосуреттер мен мұрағаттық құжаттары ұсынылды. Тапсырған материалдар ішінде: Хасен Нұрмұхамедов пен оның жұбайы «АЛЖИР» тұтқыны Кира Берсеневаның, Мұхамедқали мен Шәкітай Тәтімовтардың, Шәкір мен Ғайнижамал Ғайсиндердің, Сұлухан Бағызбаеваның, Клара Брон мен Ента Лихтенштейннің жиынтық материалдары.