2022 жылғы 18 мамырда Халықаралық музейлер күнінде «АЛЖИР» музейінде ашық есік күні өтті. Бұл күні барлық келушілерге ақысыз түрде «Алаш», «АЛЖИР» залдары бойынша экскурсия және «АЛЖИР»-дің ызғарлы суығы» деректі фильм көрсетілді.

      Күні бойы экскурсия жүргізушілер мен қызметкерлер қонақтарды қарсы алып, ХХ-ғасырдың 30-50-жылдардағы көйлектерді киіп, «АЛЖИР» тұтқындарының образын сомдады.

      Сонымен қатар, бұл күні мұражай аумағында балалар жылы аясында Саяси қуғын-сүргіндердің басталғанына 85 жыл және  «АЛЖИР» мемориалды-мұражай кешенінің ашылғанына  15  жыл толуына  орай Целиноград аудандық Мәдениет үйі мен «Малиновка» іздестіру тобымен бірлесіп әдеби-музыкалық кеш өтті. Іс-шара барысында Целиноград аудандық Мәдениет үйінің әртістері  концерттік бағдарлама ұйымдастырып, 70-80-жылдардағы патриоттық әндер орындады, «Малиновка» іздестіру тобының мүшелері «АЛЖИР» тұтқындары жазған өлеңдерді оқыды.

      Іс-шара соңында Целиноград аудандық мәдениет үйінің ұжымы мен "Малиновка" іздестіру тобының мүшелеріне "Аманат-"АЛЖИР" ҚҚ атынан сыйлықтар табысталды.