«Тарихтың қатал сабақтары» тақырыбындағы көрме

2022 жылғы 5–12 тамызда «Алаш» залында «Тарихтың қатал сабақтары» тақырыбында көрме ұйымдастырылды. Көрмеде «Ұрпақтар ұмытпайды. Ұрпақтар есінде» халықаралық жобасына қатысушылардан — қуғын-сүргін құрбандарының ұрпақтарынан мұражай қорына түскен фотосуреттер мен архивтік құжаттар ұсынылған. Олардың арасында Хасен Нұрмұхамедов пен оның жұбайы Кира Берсеневаның, Мұхаметқали мен Шәкітай Татимовтардың, Шәкір мен Ғайнижамал Ғайсиндердің, Сүлүхан Бигізбаеваның, Клара Брон мен Ента Лихтенштейннің материалдар кешені бар.