26 сәуір – ғалым, дәрігер Халел Досмұхамедұлының туғанына 140 жыл

Халел Досмұхамедов – Алаш қозғалысының қайраткері, дәрігер, педагог және ғалым. Мамандығы бойынша дәрігер болғанына қарамастан, ол қоғамдық өмірдің түрлі мәселелерімен айналысты: саяси және қоғам қайраткері, тарихшы, жаратылыстанушы, тілші, ауыз әдебиетінің сирек үлгілерін жинаған әдебиетші, насихатшы, шебер аудармашы болды.

Халел – қазақ тектес тұңғыш түркітанушы. 1923 жылы ол «Шолпан» журналының 7-санында «Диуани лұғат ат-түрік» атты мақала жариялады. Бұл мақалада ол қазақ қоғамын ұлы сөздікпен алғаш рет таныстырып, Махмұд Қашқаридың тарихтағы орнын айқындады. Ол халықтың ауыз әдебиетін жинап, баспасөзде жариялады.