Археолог Әлкей Марғұланның туғанына 120 жыл

Әлкей Марғұлан — қазақстандық археология мектебінің негізін қалаушы, ғылымның көптеген салаларында: этнографияда, тарихта, шығыстануда, әдебиеттануда, өнертануда көрнекті қайраткер. Филология ғылымдарының докторы, Қазақ КСР ҒА академигі, профессор. Ол қазақ халқының тарихы мен әдебиетін зерттеуге үлкен үлес қосты. Тарих, археология, этнография, әдебиет және өнерге арналған ондаған кітап, үш жүзден астам ғылыми зерттеу және жүзден астам энциклопедиялық мақала жазды.