2021 жылғы желтоқсанда елордамыз - Нұр-Сұлтан қаласындағы С. Сейфуллин атындағы №80 мектеп гимназиясында Сәкен Сейфуллиннің бөлмесі ашылды. Мұнда ашық сабақтар, кездесулер, айтулы даталарға арналған кештер өтеді. 
      Бөлмені ашу салтанатына Мемлекеттік сыйлықтың лауреаты,  елордадағы Бірлескен мұражайлар дирекциясы "Сәкен Сейфуллин музейі" құрылымдық бөлімшесінің басшысы, ақын Н. Айтұлы, Сәкеннің нағашы қарындасы Асылгүл Әбіш, музей қызметкері Қабиден Қуанышбай қатысты. Н. Айтұлы мен Асылгүл Әбіш бөлменің ашылу лентасын қиып, өздерінің ыстық лебіздерін білдірді.