БАСПАСӨЗ ХАБАРЛАМАСЫ
Нұр-Сұлтан қаласының 25 жылдығына арналған «ЕҢСЕСІ БИІК ЕЛОРДА» атты Республикалық жыр мүшәйрасының марапаттау рәсімі және әдеби – музыкалық кеші
9 маусым 2022 жыл Нұр-Сұлтан қаласы
Өтетін күні: 2022 жылдың 1- шілдесі
Өтетін орны: Нұр-Сұлтан қаласы, «Жастар сарайы», Республика проспектісі, 34 үй
Мақсаты: Мүшайрадан оза шауып жүлде алған ақындардың астанамыздың 25 жылдық мерейтойына қосқан тұшымды шығармаларын халық назарына ұсыну. 25 жылдық тарихы бар Елорданың жетістіктерін жас ұрпаққа насихаттау.
Ұйымдастырушы: «Нұр-Сұлтан қаласының Бірлескен мұражайлар дирекциясы» МКҚК
Тәуелсіздіктің тірегі, Отанымыздың жүрегі – Нұр-Сұлтан қаласының шаңырақ көтеріп, босаға бекіткеніне биыл 25 жыл! Бұл - ғасырлар бойы бабалар аңсап күткен ұлы қуаныш.
Нұр-Сұлтан қаласының 25 жылдығына аранлған «ЕҢСЕСІ БИІК ЕЛОРДА» атты Республикалық жыр мүшәйрасы өз мәресіне жетті. Республикамыздың түкпір-түкпірінен 60 ақын өз бақтарын сынаған жыр додасының топ жарған жүйріктерін марапаттау рәсімі мен әдеби-музыкалық кеші шілде айының 1 күні өтпек.
Салтанатты шараға қоғам қайраткерлері және ақын-жазушылар мен өнер жұлдыздары қатысады. Кеште Республикалық мүшәйрадан оза шауып, жүлдегер атанған 12 жүлдегер жүлделі өлеңдерін халық назарына ұсынып, оқиды.
Жыр қайнарынан сусындап, Елордамызды асқақтатқан әдеби-музыкалық кештің куәсі болуға шақырамыз!
Басталуы: 15:00
Кіру: тегін
Қамту: 250 адам