2022 жылдың 26 сәуірінде көрнекті сәулетші, Қазақстан Республикасы Мемлекеттік сыйлығының лауреаты, Қазақстан Республикасының Елтаңбасы мен Тәуелсіздік монументінің авторы Шот-Аман Ыдырысұлы Уәлихановтың туғанына 90 жыл толды. Осы мерейтойға бір жыл толмай, ол өткен жылдың көктемінде өмірден өтті.

       Шот-Аман Ыдырысұлының тұлғасы өте сан қырлы. Ол өзінің сәулет өнерімен қатар жазушы және драматург ретінде танымал, сонымен қатар елде көрнекті қоғам қайраткері ретінде танылды.

       Оның авторлығына Семейдегі Семей ядролық сынақ полигоны құрбандарын еске алуға арналған «Өлімнен де күшті» монументі, елордадағы қазақтың соңғы ханы Кенесарының ескерткіші, Алматыдағы Шоқан Уәлихановтың, Семейде Шәкәрім, Қостанайда Ахмет Байтұрсынов, Көкшетауда Талғат Бегелдиновке арналған ескерткішетер мен сәулет туындылары бар. Шот-Аман Уәлиханов көп жылғы шығармашылық қызметінде көптеген шәкірттер мен ізбасарлар тәрбиелеп шығарды, олар қазір Қазақстанның жетекші сәулетшілері мен мүсіншілері болып табылады.