Атбасарда «С. Сейфуллин: тағдыр және тағылым» көрмесі

2026 жылғы 16–30 сәуір аралығында Астана қаласы әкімдігінің «Бірлескен музейлер дирекциясы» МКҚК құрылымдық бөлімшесі — Сәкен Сейфуллин музейі Атбасар қаласындағы Ілияс Есенберлин атындағы әдеби музейде «С. Сейфуллин: тағдыр және тағылым» атты көрме ұйымдастырды.

Көрме музей жыл сайын өткізетін көшпелі көрмелер қатарына кірді. Олардың мақсаты — Қазақстан тұрғындарын мемлекет және қоғам қайраткері, ақын әрі жазушы Сәкен Сейфуллиннің өмірі мен шығармашылығымен таныстыру.