«Ұлы Елім-рухты Қазақстан» байқауы

Қазан–қараша айларында Астана қаласы әкімдігінің «Біріктірілген мұражайлар дирекциясы» МКҚК-да «Ұлы Елім – рухты Қазақстан» тақырыбында «Үздік сабақ», «Үздік педагог» атты байқау өтті. Іс-шара аясында байқау жеңімпаздары атап өтіліп, марапатталды.

Байқаудың басты мақсаты — жаңа білім мен дағдыларды қалыптастыру барысында жоғары оқыту стандарттарын ұстанатын, құрылымдалған оқу жоспарларын әзірлейтін және оқу процесіне заманауи ақпараттық технологияларды сәтті енгізетін жоғары кәсібилік деңгейдегі педагогтерді қолдау.